Væntanlegt

Jeff Dunham - Passively Aggressive

Útgáfudagur 26.05.2018

26. maí Eldborg Hörpu

MIÐASALA FER FRAM Á  HARPA.IS/DUNHAM


Einn vinsælasti skemmtikraftur heims, Íslandsvinurinn Jeff Dunham fer af stað með glænýtt uppistand, Passively Aggressive. Hann mun ferðast með sýningu sína um öll Bandaríkin og kíkja því næst til Íslands þann 26. maí í Eldborg, Hörpu.

Hann kom fyrst til Íslands árið 2013 og pakkfyllti þá Laugardalshöllina tvisvar. Hann féll fyrir Íslandi og sneri aftur eftir aðeins nokkra mánuði og fyllti þá Eldborg á skotstundu. Í þeirri ferð var hann einnig að taka upp heimildarmynd sem fjallaði um störf hans víða um heim og vildi hann að Íslandi yrði hluti af þeirri mynd.

Nýverið gaf Dunham út uppistandið Relative Disaster á Netflix. Þar fer hann á kostum og skoðar fjölskylduerjur og stjórnmál með eftirminnilegum hætti ásamt sínum frægustu persónum, Walter, Bubba J, Peanut og látna hryðjuverkamanninum Achmed, og veltir fyrir sér hvað kæmi úr því ef nýr meðlimur bætist við brúðufjölskylduna sem er þegar nógu erfið.

Jeff Dunham er talinn einn áhrifamesti skemmtikraftur Vesturlanda að mati Forbes tímaritsins. Vinsældir hans hafa aukist stórlega á síðustu árum, hvort sem um er að ræða áhorf á sjónvarpsþætti hans, sölu á DVD diskum eða upptökur á YouTube þar sem eru fleiri en milljón áskrifendur og yfir milljarður í samanlögðum áhorfstölum. Árið 2015 frumsýndi hann sýninguna Unhinged in Hollywood á NBC og var hún með hæstu áhorfstölum stöðvarinnar á þeim tíma samkvæmt mælingum. Eftir tökurnar á Relative Disaster í Dublin snéri hann aftur til Bandaríkjanna með uppistandið Perfectly Unbalanched og seldist upp á hverja sýningu á eftir annarri um allt land.

Í september hlaut Dunham þann heiður að fá stjörnu á Hollywood Walk of Fame göngugötunni. „Þegar ég flutti til Los Angeles árið 1988 með bíl fullan af fötum og fáeinar brúður, bjóst ég aldrei við því í mínum villtustu draumum að ég myndi einn daginn geta hrasað á minni eigin stjörnu á Walk of Fame,” sagði Dunham. „Þetta er algjört æði og mikill heiður; ég vona bara að stjarnan sé ekki staðsett fyrir framan klámbúð. Jú, það væri reyndar bráðfyndið.”


Fjögur verðsvæði eru í boði og kostar miðinn frá 6.990 kr. 


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: