Væntanlegt

Iliza Shlesinger

Útgáfudagur 07.04.2018

7. apríl | Háskólabíó

MIÐASALA ER HAFIN Á TIX.IS/ILIZA


Iliza Shlesinger er ein af fremstu grínistum sinnar kynslóðar. Svo vinsæl er hún að aðdáendur hennar mæta jafnan í heimatilbúnum, sérmerktum Iliza–fatnaði á sýningar. Iliza lauk nýverið við útsendingar á sínum fyrsta spjallþætti, „Truth & Iliza“ sem sýndur var á sjónvarpsstöðinni Freeform. Þátturinn er settur upp á frjálslegan hátt og býður upp á beitta samfélagsrýni, umfjöllun um stjórnmál líðandi stundar, femínisma og poppkúltúr, allt sett fram á einstakan hátt sem aðeins Ilizu er laginn. 

Fyrsta bók hennar Girl Logic: The Genius and the Absurdity kom út í nóvember 2017, en í henni hefur Iliza safnað saman eigin ritgerðum og vangaveltum um líf sjálfstæðrar ungrar konu og sýn hennar á vináttu, sambönd og það að vera einhleyp. 

Iliza er upprunalega frá Dallas, en flutti til Los Angeles eftir að hafa útskrifast frá Emerson College. Hún er bæði yngsti og eini kvenkyns uppistandarinn sem hefur sigrað Last Comic Standing hjá sjónvarpsstöðinni NBC. Hennar fyrsta klukkutímalanga útgefna uppistand, War Paint, komst í fyrsta sæti á iTunes og var valið eitt af 10 bestu albúmunum árið 2013 af þjónustunni. Streymisþjónustan Netflix framleiddi svo hennar annað uppistand, Freezing Hot sem kom henni á kortið fyrir fullt og allt. Iliza er nú með vinsælli grínistum Bandaríkjanna og hefur til dæmis verið valin af Esquire Magazine sem ein af þeim bestu sem túra nú um heiminn í þeim tilgangi að halda uppistönd. 

Nýjasta útgefna uppistand Ilizu, Confirmed Kills, kom út á Netflix í september 2016. Iliza er þar í toppformi og tekur á ýmsum eldfimum málum, án þess þó að draga úr gríninu. Hún hefur einnig nýlokið við umfangsmikið ferðalag, þar sem hún kom fram í 15 mismunandi tónleikasölum og –höllum og flutti uppistand sitt Iliza: The Confirmed Kills Tour. Um þessar mundir er hún að leggja lokahönd á sitt þriðja útgefna uppistand.

Á meðal afreka á ferilskrá Ilizu má sem dæmi nefna þátttöku hennar í Just For Laughs hátíðinni í Montreal og New York Comedy Festival, þar sem hún var meðal aðalskemmtikrafta. Iliza heldur uppistönd allt árið um kring, en uppselt hefur verið á flesta hennar viðburði – hvort sem hún kemur fram í flennistórum leikhúsum, eða litlum klúbbum og sölum.       

Hún hefur einnig verið valin annað árið í röð af Elle Magazine sem ein af fremstu konunum í uppistandi í dag. Á meðal sjónvarpsþátta sem Iliza hefur komið fram í má nefna The Tonight Show með Jimmy Fallon, The Late Late Show með James Corden og The Today Show. Að auki hefur hún skrifað þættina Forever 31, sem eru aðgengilegir á streymisþjónustum ABC og Hulu.

Iliza er búsett í Los Angeles þar sem hún eyðir frístundum sínum í að semja lög og gælunöfn handa hundinum sínum, Blanche. 


Selt er í númeruð sæti og miðaverð er einungis 6.990 kr. 

Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: