Væntanlegt

Future

Útgáfudagur 08.10.2017

Laugardalshöll 8. október

MIÐASALA Á  TIX.IS/FUTURE 


SÉRSTAKIR GESTIR:
EMMSJÉ GAUTI - ARON CAN - JÓIPÉ OG KRÓLI
ÞETTA VERÐUR B.O.B.A!


Future er einn heitasti tónlistarmaður heims í dag. Fyrr á árinu droppaði hann tveimur sjóðandi heitum plötum sem fóru báðar á toppinn á Billboard 200 listann, líkt og flestar plötur sem hann hefur gefið út. Það er mikill fengur fyrir Íslendinga að fá hann á hátindi ferils síns! 

Future, eða Nayvadius DeMun Wilburn, er einnig lagasmiður og plötuframleiðandi og byrjaði feril sinn á að semja lög og texta fyrir aðra í tónlistarbransanum áður en hann einbeitti sér að sjálfum sér sem tónlistarmanni. Ferill hans sem artisti fór á flug eftir lagið „Racks“ sem YC flutti með Future árið 2011. Strax á annarri plötu sinni, Honest, var hann farinn að vinna með stórnúmerum á borð við Kanye West, André 3000 og Drake.

Í febrúar 2017 gaf Future út tvær nýjar plötur með viku millibili sem heita FUTURE og HNDRXX. Þær fóru beint í fyrsta sæti á Billboard 200 listanum og er þetta í fyrsta skipti sem tónlistarmaður nær tveimur plötum í röð á topp listans. Aðrar plötur frá honum sem hafa náð á toppinn eru DS2, EVOL og What a Time to Be Alive sem hann gaf út með Drake.

Future hefur unnið með mörgum þekktum artistum líkt og The Weeknd, Rihönnu, Wiz Khalifa og YC. Hann á mörg vinsælustu lög heims í dag og má þar nefna „Selfish“, „Move That Dope“, „Turn on the Lights“, „Jumpman“ og „Mask Off“.  


Um tvö verðsvæði er að ræða; stæði kostar 9.990 kr en númerað sæti kostar 14.990 kr.   Ekkert aldurstakmark er á tónleikana sjálfa en 12 ára og yngri verða að vera í fylgd með fullorðnum. Áfengi verður eingöngu selt á afmörkuðum svæðum og er 20 ára aldurstakmark inn á þau. Skilríkja verður krafist við innganga á barsvæðin. 


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: