Væntanlegt

Migos

Útgáfudagur 23.08.2017

16. ágúst | Laugardalshöll

MIÐASALA HEFST Á TIX.IS/MIGOS FÖSTUDAGINN 2. JÚNÍ KL. 10
FORSALA SENU LIVE HEFST DAGINN ÁÐUR, 1. JÚNÍ KL. 10


MIGOS, ein heitasta hljómsveit heims, hefur staðfest komu sína til landsins og ætlar að spila í Laugardalshöll þann 23. ágúst. Stefnt er að því að ein erlend stjarna hiti upp og ein íslensk, nánar tilkynnt síðar.

Frændurnir Quavo, Takeoff og Offset skipa hljómsveitina Migos en þeir gáfu út fyrsta mixtape-ið, Juug Season, árið 2011. Þeir slóu í gegn með laginu „Versace“ sem þeir gáfu út á mixtape-inu Y.R.N. (Yung Rich Niggas), árið 2013. Lagið fór þá að birtast á fjölda topplista á borð við Rolling Stone, SPIN, Complex og Pitchfork og vakti það þá t.a.m. athygli rapparans Drake sem fljótlega gaf út remix af laginu. Eftir þetta lá leiðin beina leið uppávið og hafa bæði gagnrýnendur og almenningur kolfallið fyrir þeim. Á ferlinum hafa strákarnir unnið með artistum á borð við Young Thug, Gucci Mane, Drake, Metro Boomin, Meek Mill, Soulja Boy, 2 Chainz, Travis Scott, Post Malone, DJ Mustard, Katy Perry og DJ Khaled.

Í október 2016 gáfu Migos út singúlinn „Bad and Boujee“ með Lil Uzi Vert sem fór beint á topp Billboard Hot 100 listann og er núna tilnefndur til Billboard Music Awards sem Besta rapplagið og Besta rappsamstarfið. Þetta var fyrsta lagið af plötunni Culture sem kom út í janúar á þessu ári við mikinn fögnuð rappaðdáenda um allan heim.


Miðinn kostar aðeins 9.990 kr., um eitt standandi verðsvæði er að ræða og einungis tæplega 4 þúsund miðar í boði. Ekkert aldurstakmark er á tónleikana sjálfa; áfengi verður eingöngu selt á afmörkuðum svæðum og er 20 ára aldurstakmark inn á þau. Skilríkja verður krafist við innganga á barsvæðin. Húsið opnar kl. 19 og tónleikar hefjast kl. 20.


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: