Væntanlegt

Michael McIntyre - Uppistand

Útgáfudagur 04.05.2017

Big World Tour í Laugardalshöll 4. maí

MIÐASALA ER HAFIN Á TIX.IS


Einn vinsælasti uppistandari Bretlands, Michael McIntyre, ætlar að hefja nýja heimstúrinn sinn, Big World Tour, hér á Íslandi í Laugardalshöllinni þann 4. maí!

Sýningin Showtime varð að langstærsta uppistandstúr 2012 þar sem hann náði m.a. að slá met Rihönnu fyrir fjölda miða selda í O2 leikvöllinn en hvorki meira né minna en 640.000 áhorfendur mættu.  Á næsta heimstúr grínarans,  Happy & Glorious, seldust yfir 400.000 miðar og var hann t.a.m. tilnefndur til Billboard Touring Awards þar sem samkeppnin lá milli hans og stórnúmeranna Amy Schumer og Kevin Hart.

McIntyre hefur rakað til sín tilnefningum og verðlaunum; hann hefur m.a. tvisvar verið tilnefndur til BAFTA verðlauna, hlotið tvenn British Comedy verðlaun, tvenn Chortle verðlaun og National Television verðlaun. 

Síðustu ár hafa verið ótrúleg fyrir Michael. Hefur hann ferðast um allan heim og selst upp á hverja sýningunni á fætur annarri hvar sem hann stígur niður fæti, svo sem í löndum á borð við Ástralíu, Noreg, Nýja Sjáland og Singapore. Sýning hans í Jóhennesarborg varð stærsta uppistandsýning Afríku fyrr og síðar og sýning hans í Dubai hlaut Time Out Best Night Out verðlaunin.

McIntyre hefur undanfarið látið ljós sitt skína í sjónvarpsþáttagerð. Hann heldur þessa dagana úti eigin spjallþætti, The Michal McIntyre's Chat Show, á BBC1 en áður hafði hann tekið við af Simon Cowell í Britain‘s Got Talent árið 2011. 

McIntyre hefur gefið út þrjá DVD diska og hafa þeir allir slegið öll sölumet; árið 2009 setti hann met í sölu á uppistandi á DVD í Bretlandi sem stendur enn óhaggað.

„Maðurinn er einfaldlega sprenghlægilegur frá toppi til táar.“ 
– The Telegraph (5 af 5 stjörnum)

Nú mætir hann til Íslands með glænýtt efni í tilefni af Big World Tour. Hér er eintakt tækifæri til að upplifa eitt besta uppistand dagsins í dag - enginn með hláturtaugar ætti að láta þetta fram hjá sér fara!


Eingöngu er selt í númeruð sæti, verðsvæðin eru fjögur talsins og miðaverð er frá 5.990 kr.   


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: