Væntanlegt

Páll Óskar í Höllinni

Útgáfudagur 16.09.2017

16. september í Laugardalshöll

UPPSELT ER Í STÚKU  Á BÆÐI DAG- OG KVÖLDTÓNLEIKA

Kvöldtónleikarnir hefjast kl. 20 og áætlað er að þeim ljúki um kl. 23; upphitun hefst kl. 20 en Páll Óskar stígur á svið kl. 21.00. Tilkynnt verður um það innan skamms hver sér um að hita upp.

Kl. 15 um daginn haldnir sérstakir tónleikar ætlaðir fjölskyldufólki en þeir verða um ein klukkustund að lengd.

Verðin eru sem hér segir: 
- Kvöldtónleikar:             6.990 kr. standandi gólf / 9.990 kr. númeruð sæti 
- Fjölskyldutónleikar:     2.990 kr standandi gólf / 4.990 kr. númeruð sæti

Páll Óskar í Höllinni fær stanslaust stuð frá Orkusölunni og Pepsi Max


Páll Óskar telur í flottustu popptónleika á sínum rúmlega 25 ára ferli í Laugardalshöll 16. september. Þjóðin hefur sungið með honum í lögum eins og „Stanslaust stuð“, „Allt fyrir ástina“, „La Dolce Vita“, „Ég er eins og ég er“ og „Það geta ekki allir verið gordjöss“. Nú færð þú að upplifa ævistarf Palla í allri sinni dýrð. Og meira til.

Páll Óskar mun syngja öll bestu lög ferils síns frá 1991 til 2017 ásamt fimm manna hljómsveit í bland við raftónlistina og fullt af dönsurum. Sviðið verður sérsmíðað inn í Laugardalshöllina. Ekkert verður til sparað í búningum og allri listrænni umgjörð til að gera þessa tónleika að ógleymanlegri upplifun.  

Páll Óskar gefur út nýja plötu í september sem inniheldur smelli á borð við „Einn dans“, „Líttu upp í ljós“ og „Þá mætir þú til mín“. Vitaskuld verður nýja efninu gerð góð skil, en megin uppistaða tónleikanna verða öll klassísku Pallalögin í bland við efni sem hann hefur ekki flutt oft áður.    

Páll Óskar mun til dæmis endurskapa Eurovisionlagið „Minn hinsti dans“ nákvæmlega eins og það var flutt í keppninni í Dublin 1997, telja í „Ástin dugir“ með húsbandinu og þar að auki flytja hinar gullfallegu ballöður „Ást við fyrstu sýn“ og „Söngur um lífið“.

Laugardalshöllin mun springa af hreinni gleði, hlaðin glysi og glaumi eins og Páll Óskar einn getur leyft sér!

P.S. Sjáðu hér hvað gerðist þegar Páll Óskar tók yfir Snappið hjá fólki sem hann þekkir ekki neitt!


   Listrænir stjórnendur: Páll Óskar & Stella Rósenkranz 
Danshöfundur: Stella Rósenkranz |  Búningagerð og -hönnun: Coco Viktorsson  
Hljóðmynd: Bjarki Hallbergsson og Jakob Reynir Jakobsson
Sviðs- og leikmyndarhönnun: Erling Þorgrímsson
Myndbandahönnun: Ingi Bekk |  Ljósahönnun: K. Freyr Vilhjálmsson
Hljóðhönnun: Finnur Ragnarsson og Þröstur Albertsson
Grafík: Villi Waren og Ólöf Erla | Myndbandagerð: Jonathan Duffy
Framleiðslustjóri: Hrannar Hafsteinsson | Tónleikahaldari: Ísleifur B. Þórhallsson

UPPRUNALEGA TILKYNNINGIN

HLJÓMSVEIT 

Trommur: Hrafnkell Örn Guðjónsson
Gítar: Guðmundur Pétursson
Hljóðgervill: Styrmir Hauksson
Hljómborð: Tómas Jónsson
Bassi: Vignir Rafn Hilmarsson
Gítar: Ásgeir Ásgeirsson

DANSARAR

Bergdís Rún
Birkir Örn Karlsson
Bjarni Sævar Sveinsson
Björn Dagur Bjarnason
Brynjar Björnsson
Brynjar Dagur Albertsson
Eva Dröfn Benjamínsdóttir
Helga Sigrún Hermannsdóttir
Höskuldur Þór Jónsson
Javier Valino
Jón Eyþór Gottskálksson
Luis Lucas Cabambe
Rakel Kristinsdóttir


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: