Væntanlegt

Gabriel Iglesias - Uppistand

Útgáfudagur Viðburðir 11.06.2017

FluffyMania World Tour 11. júní

Gabriel Iglesias (eða Fluffy eins og margir þekkja hann) er einn af vinsælustu uppistöndurum heims og er jafnan uppselt á sýningarnar hans hvert sem hann fer. Brandarasafnið er botnlaust og með hjálp Youtube og annarra samfélagsmiðla hefur hann byggt upp magnað samfélag aðdáenda sem nær yfir plánetuna þvera og endilanga. Hans einkennismerki eru sprenghlægilegar raddir, ævintýraleg frásagnargáfa og fáránlegar góðar hljóðbrellur.

Íslendingar hafa fengið að kynnast því þar sem hann hefur tvisvar sinnum komið hér fram og í bæði skiptin komust færri að en vildu. Það er því mikill fengur að fá hann aftur til landsins en ætla má að uppistandsþyrstir landsmenn fagni því að fá tækifæri til að grenja úr sér augun af hlátri yfir glænýju efni frá hláturhnoðranum hnellna þann 11. júní 2017. 

Sýningin er partur af heimstúrnum FLUFFY MANIA TOUR en hann samanstendur af hvorki meira né minna en 57 sýningum víða um heim. Hér er um að ræða hans langstærsta túr hingað til og reyndar einn stærsta og umfangsmesta uppistandstúr allra tíma.

Með hlutverkum í Family Guy, Magic Mike, The Nut Job og hinni væntanlegu grínmynd Blazing Samurai, hefur hann sannað sig sem sannkallaður þungavigtarmaður í skemmtanabransanum.


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: