Um Senu
blondud-mynd

Þín upplifun er okkar ástríða

Allan daginn, alla daga, allan ársins hring erum við að hlusta, horfa og spila. Við spilum leiki, horfum á kvikmyndir daginn út og inn og um leið tökum við eftir því hvað kveikir forvitnina hjá öðrum. Við vinnum með skilningarvitin, tjáninguna og frábærar móttökur fólksins í landinu.



Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst:
Fréttir og tilkynningar

Páll Óskar í Höllinni | Algengar spurningar

Svör við algengur spurningum // FAQ

11.8.2017

Er aldurstakmark á tónleikana? Nei, ekkert aldurstakmark er á tónleikana. Við mælum þó með því að fjölskyldufólk með börn kaupi miða á dagtónleikana.

Þarf að kaupa miða fyrir mjög ung börn? Strangar reglur eru um mannfjölda og má enginn fara inn í húsið án miða. Á tónleikunum verður myrkur í salnum, þó nokkur hávaði, blikkandi ljós og jafnvel eitthvað um sprengjur, innibombur og elda. Við teljum að þetta sé ekki æskilegt umhverfi fyrir ungabörn.

Hvar kaupir maður miða? Á Tix.is/palli og í síma 551 3800.

Hvar sækir maður miðana? Til Tix.is, Grjótagötu 7. Einnig opna miðasölubásar á tónleikadegi í Höllinni þar sem verður hægt að sækja ósótta miða. Við hvetjum fólk þó til að sækja miðana sína til Tix áður en tónleikar hefjast til þess að forðast raðir.

Er hægt að kaupa miða fyrir aðra manneskju en sjálfa sig? Já, við munum ekki bera saman nöfn á miðum og skilríkjum. 

Ég lenti í vandræðum með miðakaupin, hver getur aðstoðað mig?  Tix.is svarar öllum spurningum sem varða miðakaup: 551-3800 / info@tix.is

Má ég áframselja miðann minn ef ég kemst ekki á tónleikana? Já, leyfilegt er að áframselja miða svo lengi sem kaupverð er ekki hærra en upprunalegt kostnaðarverð. Ef í ljós kemur að miði hefur verið áframseldur á hærra verði en hann var keyptur verður hann ógildur.

Hvers konar pláss er stæði?  Stæði er standandi svæði, nær sviðinu.

Má taka tösku með sér á tónleikana? Litlar handtöskur eru leyfðar en ekki bakpokar. Leitað verður í öllum handtöskum.

Má taka með stól til að sitja á eða koll til að standa á? Nei, af öryggisástæðum er með öllu óheimilt að koma með stóla eða kolla.

Má taka með regnhlíf?  Nei, stórir hlutir og hlutir sem hægt er að henda og valda skaða með eru ekki leyfðir á tónleikasvæði. 

Hvað fleira er bannað að taka með sér? Allir hættulegir hlutir, t.d. hnífar, skæri o.s.frv. Ath; engir hlutir eru gerðir upptækir á meðan tónleikum stendur, það er á ábyrgð gesta að losa sig við bannaða hluti áður en farið er inn í húsið. Engin aðstaða er tl að geyma bannaða hluti á meðan tónleikum stendur.

Verður matur seldur á svæðinu? Já, það verða seldar pizzusneiðar.

Verður áfengissala á staðnum? Á kvöldtónleikunum verður seldur bjór og léttvín á sérstökum svæðum. 20 ára aldurstakmark er inn á þau svæði og skilríkja verður krafist.

Verður svokallað „golden circle“ svæði í boði?  Nei, ekkert svæði verður afmarkað alveg upp við sviðið.

Er aðgengi fyrir fólk í hjólastólum? Pallur fyrir hjólastóla verður í salnum. Nóg er fyrir fólk í hjólastólum að kaupa miða í stæði til að fá aðgang að hjólastólapallinum. Hver og einn má taka með sér einn fylgdarmann sem einnig þarf aðeins miða í stæði til að fá aðgang að hjólastólapallinum.

Eru stæði fyrir hreyfihamlaða við húsið? 8 sérmerkt bílastæði fyrir hreyfihamlaða eru við húsið. P-merki, stæðiskort fyrir hreyfihamlaða, veitir heimild til að leggja í þau. P-merkið skal vera sýnilegt í framrúðu bílsins.

Má koma með eigin drykkjarföng inn á svæðið? Nei, það er ekki er leyfilegt að koma með drykkjarföng eða mat inn á svæðið, af öryggis- og hreinlætisástæðum.

Má koma með myndavélar á tónleikana? Nei, allar myndavélar og hvers kyns upptökubúnaður er með öllu bannaður inni á tónleikasvæðinu.

Ef ég kaupi miða í stúku, kemst ég líka niður á gólf? Já, handhafar miða í stúka komast niður á gólfið en ekki öfugt.

Ef þínum spurningum er ekki enn svarað endilega sendu okkur póst: vidburdir@sena.is

ALLT UM VIÐBURÐINN
VIÐBURÐURINN Á TIX