Um Senu
blondud-mynd

Þín upplifun er okkar ástríða

Allan daginn, alla daga, allan ársins hring erum við að hlusta, horfa og spila. Við heyrum splunkunýja tónlistarsköpun og gamla standarda og hlustum um leið á það sem Íslendingar vilja heyra. Við horfum á kvikmyndir daginn út og inn og sjáum á sama tíma hvað annað fólk vill sjá. Við spilum leiki, lesum bækur og skoðum nýjustu leikföngin og um leið tökum við eftir því hvað kveikir forvitnina hjá öðrum. Við vinnum með skilningarvitin, tjáninguna og frábærar móttökur fólksins í landinu.



Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst:
Fréttir og tilkynningar

Páll Óskar heldur risatónleika

Miðasala hefst fimmtudaginn 6. apríl kl. 10!

27.3.2017

Páll Óskar telur í flottustu popptónleika á sínum rúmlega 25 ára ferli í Laugardalshöll 16. september. Páll Óskar mun syngja öll bestu lög ferils síns frá 1991 til 2017 ásamt fimm manna hljómsveit í bland við raftónlistina og sextán dönsurum. Sviðið verður sérsmíðað inn í Laugardalshöllina.

Þjóðin hefur sungið með honum í lögum eins og "Stanslaust stuð", "Allt fyrir ástina", "La Dolce Vita", "Ég er eins og ég er" og "Það geta ekki allir verið gordjöss". Nú færð þú að upplifa ævistarf Palla í allri sinni dýrð. Og meira til. Ekkert verður til sparað í búningum og allri listrænni umgjörð til að gera þessa tónleika að ógleymanlegri upplifun.  

Páll Óskar gefur út nýja plötu í september sem inniheldur smelli á borð við "Einn dans", "Líttu upp í ljós" og "Þá mætir þú til mín". Vitaskuld verður nýja efninu gerð góð skil, en megin uppistaða tónleikanna verða öll klassísku Pallalögin í bland við efni sem hann hefur ekki flutt oft áður.    

Páll Óskar mun til dæmis endurskapa Eurovisionlagið "Minn hinsti dans" nákvæmlega eins og það var flutt í keppninni í Dublin 1997, telja í "Ástin dugir" með húsbandinu og þar að auki flytja hinar gullfallegu ballöður "Ást við fyrstu sýn" og "Söngur um lífið".

Kvöldtónleikarnir hefjast kl. 20 og áætlað er að þeim ljúki um kl. 23; upphitun hefst kl. 20 en Páll Óskar stígur á svið kl. 21.00. Tilkynnt verður um það innan skamms hver sér um að hita upp.

Kl. 15 um daginn haldnir sérstakir tónleikar ætlaðir fjölskyldufólki en þeir verða um ein klukkustund að lengd.

Verðin eru sem hér segir:
- Kvöldtónleikar:        6.990 kr. stæði / 9.990 kr. númeruð sæti
- Fjölskyldutónleikar:  2.990 kr. stæði / 4.990 kr. númeruð sæti

Almenn miðasala hefst fimmtudaginn 6. apríl kl. 10 á Tix.is/palli. Póstlistaforsölur Orkusölunnar og Senu Live fara fram 5. apríl kl. 10. Takmarkað magn miða er í boði í báðum forsölum og þeim lýkur báðum í síðasta lagi kl. 22 sama kvöld.

Laugardalshöllin mun springa af hreinni gleði, hlaðin glysi og glaumi eins og Páll Óskar einn getur leyft sér.

Páll Óskar í Höllinni fær stanslaust stuð frá Orkusölunni og Pepsi Max.

AÐSTANDENDUR

Listrænir stjórnendur: Páll Óskar & Stella Rósenkranz 
Danshöfundur: Stella Rósenkranz 
Hljóðmynd: Bjarki Hallbergsson og Jakob Reynir Jakobsson
Búningagerð og -hönnun: Coco Viktorsson 
Sviðs- og leikmyndarhönnun: Erling Þorgrímsson 
Myndbandahönnun: Ingi Bekk
Ljósahönnun: K. Freyr Vilhjálmsson
Hljóðhönnun: Finnur Ragnarsson og Þröstur Albertsson
Grafík: Villi Warén og Ólöf Erla
Myndbandagerð: Jonathan Duffy
Framleiðslustjóri: Hrannar Hafsteinsson
Tónleikahaldari: Ísleifur B. Þórhallsson


HLJÓMSVEIT

Trommur: Hrafnkell Örn Guðjónsson
Gítar: Guðmundur Pétursson
Hljóðgervill: Styrmir Hauksson
Hljómborð: Tómas Jónsson
Bassi: Vignir Rafn Hilmarsson


DANSARAR

Anais Barthe - Bergdís Rún - Birkir Örn Karlsson - Bjarni Sævar Sveinsson - Björn Dagur Bjarnason - Brynjar Björnsson - Brynjar Dagur Albertsson - Eva Dröfn Benjamínsdóttir - Helga Sigrún Hermannsdóttir - Höskuldur Þór Jónsson - Javier Valino - Jón Eyþór Gottskálksson - Luis Lucas Cabambe - Rakel Kristinsdóttir - Saadia Auður Dhour


Hvað: Páll Óskar í Höllinni
Hvar: Laugardalshöll
Hvenær: 16. september 2017 kl. 15 og 20
Miðasala hefst: Fimmtudaginn 6. apríl 2017 kl. 10
Forsölur Orkusölunnar og Senu Live: Miðvikudaginn 5. apríl kl. 10

ALLT UM VIÐBURÐINN