Um Senu
blondud-mynd

Þín upplifun er okkar ástríða

Allan daginn, alla daga, allan ársins hring erum við að hlusta, horfa og spila. Við spilum leiki, horfum á kvikmyndir daginn út og inn og um leið tökum við eftir því hvað kveikir forvitnina hjá öðrum. Við vinnum með skilningarvitin, tjáninguna og frábærar móttökur fólksins í landinu.



Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst:
Fréttir og tilkynningar

Nýárstónleikar Schönbrunn Palace Orchestra í Eldborg

Hinir heimsþekku Vínartónleikar nú í Hörpu laugardaginn 13. janúar

24.10.2017

Hin heimsfræga Schönbrunn Palace Orchestra frá Vín mun koma fram í Eldborg í Hörpu laugardaginn 13. janúar 2018. Aðeins fremsta tónlistarfólk og einsöngvarar Vínarborgar koma fram á þessum glæsilegu tónleikum, sem eru partur af tónleikaferðalagi sveitarinnar um Skandinavíu.  

Efnisskrá tónleikanna er byggð á geysivinsælum sjónvarpstónleikum sveitarinnar sem sendir hafa verið út árlega á Nýársdag seinustu 60 ár. 

Yfir annasamasta ferðamannatímann heldur hljómsveitin tónleika á hverjum degi í Orangery höllinni, en þeir eru þekktir fyrir að trekkja að fjölda ferðamanna til Schönbrunn á ári hverju. Hljómsveitin ferðast einnig árlega til Japan, Ástralíu, Bandaríkjanna, Suður-Ameríku og Rússlands, og sammælast gagnrýnendur um að „enginn spili Vínartónlist eins og Vínarbúar“. Það er því mikill heiður að bjóða Schönbrunn Palace Orchestra sveitina velkomna til Íslands. 

Á nýjasta tónleikaferðalagi sínu mun sveitin heimsækja allar helstu tónleikahallir Skandinavíu. Tryggðu þér miða á þennan heimsklassaviðburð sem lætur engan ósnortinn. Þeir sem fylgst hafa með ferli sveitarinnar ættu ekki að verða fyrir vonbrigðum, en hún mun leika allar sínar bestu og þekktustu útsetningar, þ.á.m. hinn hressilega Radetzky mars eftir Johann Strauss.

Hér má sjá ítarlegar upplýsingar um stjórnanda tónleikanna sem og einsöngvarana tvo:

Barítón: Thomas Weinhappel 
Sópran: Bettina Schweiger
 
Stjórnandi: David Scarr

Miðasala hefst 2. nóvember kl. 10 á Harpa.is/nyarstonleikarForsala Senu Live fer fram daginn áður, 1. nóvember kl. 10Hægt er að skrá sig á póstistann hér Um fimm verðsvæði er að ræða og kosta miðarnir frá 6.990 kr. Aðeins um 1.500 miðar eru í boði.

HARPA.IS/NYARSTONLEIKAR