Kvikmyndir

Cyper Raige (Will Smith) er fremur styggur faðir og harður í horn að taka. Hann brotlendir ásamt syni sínum Kitai (Jaden Smith) á plánetunni Jörð, þúsund árum eftir að hún var skilin eftir í rústum.  Myndin er frumsýnd á morgun miðvikudag í Smárabíói, Háskólabíói, Laugarásbíói, Egilshöll og Borgbaríói Akureyri.

Það er með stolti sem við tilkynnum að kvikmyndin Blue is the Warmest Color (La Vie D'Adèle Chapitres 1 et 2) verður sýnd á vegum Græna ljóssins í haust. Myndin hlaut Gullpálmann á Cannes hátíðinni fyrir skömmu og skaut leikstjórinn Abdellatif Kechiche þannig meðal annars Coen bræðrum ref fyrir rass. Hér er á ferðinni epísk og djörf ástarsaga sem fjallar um ástarsamband tveggja ungra kvenna. Kvikmyndin verður frumsýnd í Háskólabíói í október. Fylgist með!

Epic er stórbrotið og einstaklega litríkt ævintýri um unga stúlku sem fyrir töfra verður agnarsmá og kemst um leið í kynni við skógarverur sem eru okkur mannfólkinu að öllu jöfnu ósýnilegar. Epic er nýjasta teiknimynd Óskarsverðlaunahafans Chris Wedge sem gerði fyrstu Ice Age-myndina árið 2002 og síðan hina frábæru Robots árið 2005. Myndin er frumsýnd á föstudag í Smárabíói, Háskólabíói, Laugarásbíói, Egilshöll, Álfabakka og Borgarbíói Akureyri.

Leigumorðingi fær það verkefni að vernda unga konu gegn öflum sem vilja hana dauða, hvað sem það kann að kosta. Myndin er eftir danska leikstjórann Kasper Barfoed og um leið fyrsta myndin sem hann gerir á ensku. Íslendingurinn Óttar Guðnason er kvikmyndatökumaður myndarinnar. Myndin er frumsýnd á föstudaginn í Smárabíói, Háskólabíói og Borgarbíói Akureyri. sem og VOD-leigum Símans og Vodafone.

Það er óhætt að fullyrða að endurgerð þessarar sígildu hryllingsmyndar hafi verið beðið með mikilli eftirvæntingu. Ekki spillir fyrir að hún er frá þeim sömu og gerðu upprunalegu klassíkina, en framleiðendur myndarinnar eru aðalmennirnir á bak við þá fyrri; leikstjórinn Sam Raimi og aðalleikarinn Bruce Campbell. Myndin fór beint á toppinn í USA og hefur hlotið lof gagnrýnenda. Myndin er frumsýnd á föstudaginn í Smárabíói, Háskólabíói og Borgarbíói Akureyri.

Kapringen er enn ein gæðaspennumyndin frá Norðurlöndum. Kvikmyndin fjallar um danska flutningaskipið MV Rosen sem sómalskir sjóræningjar ræna á Indlandshafi. Við taka skelfilegar aðstæður þar sem þunnur þráður skilur á milli lífs og dauða. Leikstjórinn Tobias Lindholm gerði áður verðlaunamyndin R, sem og handritið að Borgen og Jagten. Kapringen er byggð á sönnum atburðum og hefur hlotið mikið lof gagnrýnenda.

Kona sem starfar við að samþykkja eða hafna umsóknum um nám við Princeton-háskólann lendir í vanda þegar piltur sem hana grunar að sé hennar eigin sonur sækir um. Admission er bráðskemmtileg mynd með þeim Tinu Fey og Paul Rudd í aðalhlutverkum, en leikstjóri er Paul Weitz sem á að baki myndir eins og American Pie, About a Boy, In Good Company og Being Flynn svo einhverjar séu nefndar af mörgum góðum.

Græna ljósið frumsýnir On the Road, nýjustu mynd Walters Salles á föstudaginn, í Bíó Paradís og Háskólabíói. Leikstjórinn heimsótti Ísland í tilefni frumsýningar kvikmyndarinnar The Motorcycle Diaries sem sló svo sannarlega í gegn og sópaði til sín tilnefningum og verðlaunum. On the Road er byggð á bókinni klassísku eftir Jack Kerouac og fjöldi stórleikara fer á kostum í litríkum hlutverkum.

The Croods er ný þrívíddarteiknimynd frá Dreamworks um forsögulega fjölskyldu sem neyðist til að halda af stað í sitt fyrsta ferðalag þegar hellirinn þeirra hrynur saman. The Croods er eftir þá Kirk De Micco og Chris Sanders sem saman og hvor í sínu lagi eiga að baki nokkrar þekktustu teiknimyndir síðari ára eins og Aladdin, Mulan, The Lion King, Lilo og Stich og How To Train Your Dragon svo einhverjar séu nefndar af mörgum.

Íslensk kvikmyndahelgi verður haldin nú um helgina um allt land. Af því tilefni verða átta íslenskar perlur sýndar í Háskólabíói um helgina og verður ókeypis inn á þær allar, á meðan húsrúm leyfir.

Getur lygi orðið að sannleika?  Sagt er frá leikskólakennaranum Lucasi sem er ranglega sakaður um að misnota barn í leikskólanum. Í kjölfarið verður hann skotmark múgsefjunar. Thomas Vinterberg færir okkur enn eitt meistaraverkið.

Hér er á ferðinni nýja myndin eftir rúmenska leikstjórann Cristian Mungio, sem vakti heimsathygli fyrir meistaraverkið 4 Months, 3 Weeks and 2 Days fyrir nokkrum árum. Myndin er í senn átakanleg og dularfull og lætur engan ósnortinn.