Tónlist

Við ræktum fjölbreyttan tónlistargarð og enginn miðlar meiri músík á íslenska tónlistarmarkaðnum. Að jafnaði gefum við út 50-70 nýja, íslenska titla á ári auk endurútgáfu á eldri perlum íslenskrar dægurtónlistar. Við erum umboðsaðili Universal, Warner, EMI og Sony/BMG og þess vegna er öll tónlistarflóran undir hjá okkur. Við elskum alla jafnt, hvort sem þeir elska íslenskt, útlenskt, klassískt, rokk, djass eða barnatónlist.

Tölvuleikir

Bestu leikirnir frá mörgum stærstu framleiðendum í heimi fara hér í gegn. Við erum umboðsaðili PlayStation og tölvuleikjasnillinganna hjá Electronic Arts, Sony Computer Entertainment, Konami, Actavision, Take 2 Interactive, THQ, Atari, Sega og Vivendi Games. Okkur leiðist það ekkert.

Viðburðir

Eitt það skemmtilegasta sem við gerum er að skipuleggja tónleika. Við höfum fengið mörg stærstu nöfn rokksins til að koma hingað auk poppstjarna og meistara klassískrar tónlistar. Ekki er síður skemmtilegt að setja upp stórtónleika með íslenskum stjörnum og smærri tónleika með alls konar snillingum. Auk þess höfum við vinsælar leikhússýningar á samviskunni sem sumar gengu fyrir fullu húsi svo árum skipti.

Kvikmyndir

Ef eitthvað fleira en tónlist og bækur er í miðju menningarlífsins eru það kvikmyndir. Við fáum meðal annars stórmyndirnar frá 20th Century Fox, Sony Pictures, Focus Features og The Weinstein Company. Við tökum líka þátt í framleiðslu íslenskra kvikmynda og Græna ljósið er á okkar vegum. Það sérhæfir sig í að finna og miðla óháðum og listrænum kvikmyndum frá öllum heimshornum.

Kvikmyndahús

Við rekum kvikmyndahús á þremur stöðum. Smárabíó er vinsælasta og fullkomnasta kvikmyndahús landsins, með hágæða þrívíddartækni í hverjum sal og bestu hljóðkerfi sem völ er á. Borgarbíó á Akureyri er eitt elsta kvikmyndahús landsins og er nú með tveimur sölum. Háskólabíó hefur gengið í endurnýjun lífdaga og þar eru nú starfræktir fjórir tæknilega fullkomnir bíósalir.

Bækur

Bóklestur er partur af þjóðarsálinni. Við trúum bæði á þessar týpísku á pappír og nýju tegundirnar, hljóðbækur og rafbækur. Innihaldið skiptir öllu. Okkur finnst sérstaklega gaman að gefa út bækur um tónlist og tónlistarfólk. 

Leikföng

Það væri lítið gaman ef ekki væri dót að leika sér með. Við verðum aftur börn með leikföngin frá Playmobil, Mattel, Tomy, Ke Mathiasen, Canenco, Playbox, Dantoy, Unice og Happy People.