Jól með Sissel

Útgáfudagur 11.12.2016

Sissel Kyrkjebø er ein skærasta söngstjarna Norðurlandanna og hefur  selt upp á hverja tónleikana á fætur öðrum, árum saman. Það er okkur mikil ánægja að tilkynna um komu Sissel til Íslands, en hún verður með glæsilega jólatónleika í Eldborg, Hörpu, sunnudaginn 11. desember og mánudaginn 12. desember.

Sissel hefur fyrir löngu síðan sungið sig inn í hugi og hjörtu landsmanna, en hún hefur í þrígang komið fram á tónleikum hér á landi og færri komist að en vildu í öll skiptin.

Að þessu sinni slást tónlistarmenn á heimsmælikvarða með í för, sem hafa margir hverjir unnið með mörgum af helstu stjörnum heims, þeirra á meðal eru  Wayne Hernandez (Tina Turner, Tori Amos, Madonna, Yusuf Islam)  Sam White (Duran Duran, David Gray, Annie Lennox) og  Phebe Edwards (Rod Stewart, Westlife, Adele, Donna Summer, James Brown, Jessie J.).

Þegar Sissel kom fram á sínum fyrstu tónleikum á Íslandi árið 2012 fékk hún ungan dreng til að taka með sér lagið  Pie Jesu. Þessi ungi drengjasópran heitir Ari Ólafsson. Í dag er hann 18 ára og ætlar að stíga á svið með Sissel í annað sinn. Rödd Ara hefur fullorðnast síðan þá og er hann nú orðinn himneskur tenór. Hann verður gestasöngvari á tónleikum Sissel og mun taka með henni dúettinn  The Prayer.

Það má því búast við einstaklega vönduðum og skemmtilegum tónleikunum, en að þessu sinni verða flutt kraftmikil og sálarskotin dægurlög ásamt gömlu, góðu og klassísku jólalögunum sem lokka fram jólastemninguna ár eftir ár.


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: