Laddi 70 ára

Útgáfudagur 21.01.2017

Afmælistónleikar í Eldborg

UPPSELT ER Á TÓNLEIKANA KL 20.
ÖRFÁIR MIÐA EFTIR Á AUKATÓNLEIKANA KL. 16

- Tónleikarnir eru 2,5 tímar með hléi.
- Hleypt er inn í salinn um hálftíma áður en tónleikar hefjast.
- Nýútkomin ævisaga Ladda verður til sölu á staðnum á sérstöku tónleikatilboði.
- Laddi áritar bókina eftir báða tónleika.


Goðsögnin, grínarinn, gleðigjafinn og gullbarkinn Laddi verður 70 ára 20. janúar 2017. Af því tilefni verður blásið til stórglæsilegra ferilstónleika þann 21. janúar í Eldborg, Hörpu. Þess má geta að þá verða nákvæmlega upp á dag 10 ár liðin frá því sýningin Laddi-6-tugur hóf göngu sína í Borgarleikhúsinu. Upphaflega áttu sýninganar að vera fjórar en raunin var sú að sýningin gekk fyrir fullu húsi í tvö ár samfleytt! 

Af þessu tilefni verður sett saman mögnuð hljómsveit úr landsliði hljóðfæraleikara sem stígur á svið með Ladda í Eldborg á afmælisdaginn svo ljóst er að um sannkallaða stórtónleika verður að ræða! 

Þessi frábæri tónlistarmaður, okkar eini sanni Laddi, hefur í gegnum tíðina samið fjölmörg gríðarlega vinsæl lög og mörg þeirra eru orðin hluti af þjóðarsálinni: lög sem allir landsmenn þekkja og geta raulað með! Það má því teljast til tíðinda að þetta verður í FYRSTA SINN sem Laddi heldur hreinræktaða tónleika.

Útsetningar og hljómsveitarstjórn verður í höndum Jóns Ólafssonar
Björn G. Björnsson sér um sviðssetningu og handrit. 

Eftirtaldir söngvarar koma fram ásamt Ladda:
Eyþór Ingi
Eyjólfur Kristjánsson
Bjartmar Guðlaugsson
Sigga Beinteins
Sigríður Thorlacius 

Sérstakir gestir:
Björgvin Halldórsson
Haraldur Sigurðsson (Halli)
Hjörtur Howser 

Hljómsveitina skipa:
Jón Ólafs - Hljómborð, tónlistar-og hljómsveitarstjórn
Andri Ólafsson - Bassi, raddir
Bassi Ólafsson  - Trommur, slagverk
Haraldur V. Sveinbjörnsson - Hljómborð, gítar, raddir
Kjartan Hákonarson - Trompet, slagverk, raddir
Matthías Stefánsson - Gítar, mandólín, banjó, fiðla
Samúel Jón Samúelsson - Básúna, slagverk, raddir
Vilhjálmur Guðjónsson - Gítar, mandólín, saxófónn, raddir

Í tilefni af stórafmælinu og tónleikunum hefur Laddi sent frá sér tvö ný lög:  Lúxuslíf og Hér er ég


Hafðu samband

Hringdu í okkur

591 5100

Við svörum milli 09:00 og 17:00
alla virka daga.

Sendu fyrirspurn

Til að fyrirbyggja ruslpóst: