Detention

Riley Jones er í menntaskóla og líkar lífið ekki vel. Í fyrsta lagi þá hatar hún skólann og finnst lítið til flestra skólafélaganna koma. Besti vinur hennar fékk skyndilega hundleiða á henni og draumaprinsinn, hjólabrettaséníið Clapton Davis, veit ekki að hún er til. Til að bæta gráu ofan á svart þá gengur morðingi laus í borginni og Riley er nokkuð viss um að hann ætli sér að myrða hana. Það þýðir þó lítið fyrir Riley að vekja athygli á þessu því hún þykir ekki nógu mikilvæg til að morðinginn fari að eltast við hana. Dag einn fær skólastjórinn þá flugu í höfuðið að láta Riley sitja eftir í 24 tíma ásamt hópi annarra og hún verður sannfærð um að morðinginn sé á meðal þeirra ...