Sena - Kvikmyndir

Intouchables slær met

Thu, 9 Aug 2012 15:28:00 +0000

Intouchables hefur skráð sig formlega og allrækilega á spjöld sögunnar. Hefur hún tekið fram úr kvikmyndinni Karlar sem hata konur og er þar með orðin aðsóknarhæsta mynd allra tíma hérlendis, af þeim sem eru hvorki á íslensku né ensku. Heildartekjur Intouchables til og með 6. ágúst eru komnar í 45.029.552 kr. en heildartekjur Karlar sem hata konur voru 43,6 milljónir kr.

Intouchbles stærri en Klovn

Fri, 3 Aug 2012 11:43:00 +0000

Intouchables náði þeim merka áfenga í fyrradag, miðvikudaginn 1. ágúst, að taka fram úr Klovn og verða þar með formlega önnur aðsóknarhæsta mynd allra tíma á Íslandi, af þeim sem eru hvorki á ensku né íslensku. Heildartekjur Intouchables fóru þá í rúmlega 42 milljónir króna, en Klovn endaði í 41,2 milljónum. Næsta víst er að Karlar sem hata konur fellur eftir helgi.

Ótrúlegt en satt

Tue, 17 Jul 2012 18:52:00 +0000

Ævintýrið um aðsóknina á INTOUCHABLES heldur áfram. 77% aukning var á helgi 4 og samt 4% aukning nú á helgi 5; heildarfjöldi gesta er það með orðinn 22 þúsund. Sem sagt; þrátt fyrir vöxt í aðsókn hverja einustu helgi frá frumsýningu er nýliðin helgi, fimmta sýningarhelgi myndarinnar, sú stærsta hingað til. Myndin heldur því áfram að brjóta öll lögmál um aðsókn og ljóst er að hún mun sigla yfir 30 þúsund manna markið inann skamms.

Sprengja í aðsókn

Mon, 9 Jul 2012 20:54:00 +0000

Aðsókn á kvikmyndina Intouchables heldur áfram að vaxa og hefur annað eins varla sést áður. Fyrir viku síðan var um 3. sýningarhelgi að ræða og þá jókst aðsókn um 30%. Nú er nýliðin 4. sýningarhelgi myndarinnar og jókst aðsókn nú milli helga um hvorki meira né minna en 77%. Myndin hefur nú verið færð aftur í stærri sali til að anna eftirspurninni betur.

Spider-Man klifurkeppni

Tue, 26 Jun 2012 20:57:00 +0000

Á laugardaginn kl 15:00 - 16:00 verður haldin skemmtileg klifurkeppni á klifurveggnum á Höfðatorgi, í samstarfi við Klifurhúsið og Íslandsbanka. Allir sem taka þátt fá boðsmiða á Spider-Man og sigurvegarinn vinnur eldrauða PlayStation 3 tölvu með tveimur rauðum stýripinnum. Sá sem kemst hæst sigrar og ef um jafntefli er að ræða verður haldinn bráðabani.

Starbuck frumsýnd

Tue, 26 Jun 2012 20:45:00 +0000

Græna ljósið frumsýndir á föstudaginn, í Háskólabíói, þessa stórskemmtilegu grínmynd frá Kanada, sem hefur verið að gera það gott víða um heim. Hollywood er búið að kaupa réttinn til að endurgera hana og hinn eini sanni Judd Apatow mun leikstýra þeirri útgáfu. David kemst að því að hann á 533 afkvæmi og 142 þeirra vilja vita hver hann er.

Spider-Man ljósmyndakeppni

Thu, 21 Jun 2012 22:24:00 +0000

Sendu okkur mynd á Facebook fyrir 28. júní af þér eða þínum í anda Spider-Man, til dæmis af þér skríðandi á skrýtnum stöðum. Þú mátt gera hvað sem er við myndina og hún má vera af hverju sem er; eina skilyriðið er að hún sé þitt sköpunarverk og í anda Spider-Man. Glæsileg eldrauð PlayStation 3 er í aðalvinning og 100 Spider-Man bíómiðar í aukavinning. Taktu þátt!