Tónlistin úr Glee komin út
Tónlistin úr einum vinsælasta sjónvarpsþætti heims er komin í verslanir.
Glæsilegt kvikmyndaver opnar á Íslandi.
Laugardaginn 23. janúar 2010 mun kvikmyndaverið Atlantic Studios opna á Ásbrú í Reykjanesbæ (gamla varnarsvæðið). Kvikmyndaverið er mjög glæsilegt og með mikla þjónustu í námunda og getur boðið upp á aðstöðu jafnt á við það besta í Evrópu. Húsið sem er gamalt flugskýli hersins er alls 5000 fm2 og skiptist í kvikmyndaver sem er 2200 fm2, í skrifstofurými, geymslur, hreinlætisaðstöðu og veitingaaðstöðu sem er 2800fm, og í útisvæði sem er 7000 fm2 og allt innan girðingar. Húsnæðið hefur verið endurbætt gríðarlega síðustu mánuði og hefur það t.d verið alveg hljóðeinangrað sem og að rafmagnsmál hafa verið endurnýjuð til að standast kröfur stærstu kvikmyndaframleiðanda í heiminum í dag. Einnig má geta þess að útsogskerfið í húsinu er svo fullkomið að hægt er að reykræsta húsið á þremur mínútum. Kadeco – Þróunarfélag Keflavíkurflugvallar hefur séð um allar framkvæmdir á húsinu.
Avatar er orðin tekjuhæsta kvikmynd Íslandssögunnar!
Avatar er orðin tekjuhæsta kvikmynd Íslandssögunnar með tekjur yfir 106 milljónir kr og sló út met Mamma Mia frá 2008 sem var 102 milljónir! Á aðeins fimm vikum hafa tæplega 90.000 gestir borgað sig inn á Avatar og stefnir hún í að verða 3ja myndin frá upphafi mælinga með aðsókn yfir 100 þúsund manns! Metið á Titanic sem er 124.008 manns og gæti það verið í hættu! Einnig er Avatar stærsta mynd ársins 2010 auk þess að vera stærsta mynd ársins 2009 og hefur það aldrei áður gerst! Avatar er aðra vikuna í röð vinsælasta mynd landsins og í þriðja skipti á fimm vikum auk þess að taka Golden Globe fyrir bestu dramatíku mynd ársins og besta leikstjóra ársins – James Cameron.